Нийслэл таймс сонин

Хэн нэгэн бэл бэнчинтэй эрийн бүсгүй болсон нь Монголын сайхан бүсгүйгээр шалгардаг мэт ойлголт гарч, Монголын Мисс шалгаруулах тэмцээний нэр хүнд жилээс жилд унах болсон. Тиймээс энэ жил мисс бүсгүйчүүдийг олон нийтийн саналаар шалгаруулах үүднээс “Miss Mongolia -2011″ тэмцээнийг МүОНТ хамтран зохион байгуулж, реалити шоу хийхээр болсон байна.Энэ талаар МүОНТ-ийн захирал Ц.Оюундарь хэлэхдээ: “Miss Mongolia 2011″ наадмыг энэ жилээс МүОНТ хамтран зохион байгуулж шалгаруулалтын уламжлалт аргыг эвдэн, рөалити шоу хэлбэрээр хийхээр ярьж байна.

 Түрүүлсэн нь ирэх сарын сүүлээр болох олон улсын тэмцээнд орох тул Монгол улсын гадаад сурталчилгааны том арга хэмжээ болно гэж үзэж байна” хэмээсэн ажээ. Тиймээс шоуны явцад үзэгчид өөрсдийн саналаар Монголыг төлөөлөн дэлхийн миссд өрсөлдөх сайхан бүсгүйг сонгох эрхтэй болж байгаа ажээ.

Н.Сүрэн
Эх сурвалж: “Нийслэл таймс”